Aalborgimeersut Freja, Regitze aamma Maluka Savalimmiut tikeraartussanngoramikku nalunngilaat immikkut ittumik misigisaqassallutik. Kisiannili inuunermi puigunaatsorsinissartik naatsorsuutigisimanngikkaluarpaat.
Freja Bachmann Svendsen, Regitze Rigmor Larsen aamma Malucca Joy Anka Overgaard Aalborgimi Vesterkæretip Atuarfiani, 9. klassimi atuartuupput aammalu inuusuttunut klubimi Vesterkæretimi peqataalluartartuullutik. 2024-mi ukiakkut Savalimmiunut angalapput Nordjyllandimi Inuusuttunut Ataaatsimiittaliap siulersuisui peqatigalugit.
“Assut pissangariililluta,” Freja oqaluttuarpoq. “Ullut tamaasami Savalimmiunut tikeraarnissatsinnut periarfissinneqarneq ajorpugut. Qilanaarisimavarput takussallugu, qanoq nunami allami klubbeqarneq innersoq aamma inuusuttut naapinnissaat, immaqa uagutsinniit allaanerusumik iliortartut.”
Nammineerlutik aallartut
Tikeraarneranni periarfissaqarsimapput Thorshavnimi klubbimi Margarinefabrikkimi inuusuttunik Savalimmiormiunik peqateqarnissaminnut. Klubbi unnukkut ammasarpoq, ullullu marluk kingorna inuusuttut pingasut namminneerlutik aallakaseqaat. Taama aalajangerneq peqqissimissutiginngilaat.
”Unnuk siulleq ittuulaarpugut, kisianni ullup aappaani taakungaannarpugut,” oqarpoq Maluka. ” ‘Qallunaat niviarsiaqqatut’ isigineqarunnaariasaarpugut, klubimi allatuulli inuusuttooqataalerluta.”
Tupaallaatiginerpaasama ilagivaat qanoq ammatiginerat eqqissisimatiginerallu, Maluka oqaluttuarpoq:
“Klubimi ilaasortanngornissamulluunniit pisariaqanngilaq” Tamarmik imminnut ilisarisimapput, tamarmillu imminnut oqaloqatigiittarlutik. ”Angerlarsimasutut misiginarpoq.”
Unnukkut ammasarnera
Klubbip aaqqissuusaanera niviarsissat isumassarsiorfigilluarpaat. Taavalu qanoq misiginarnera.
“Uagutsinnut sanilliullugu klubbi allanngorartuuvoq, inuusuttullu tamakkiisumik aaqqissuussinermut peqataasimapput.” ”Uagut klubbitsinni ’inersimarpalaarnerupput’, ” Regitze oqaluttuarpoq. ”Unnuk siulleq toqqukannerluta iseriaraluarpugut, kisiannili ingerlaannaq aperineqarpugut: ’Kaagisorusuppisi?’ Tamanna nuannerluinnarpoq. Nuna allaminngaanneernerput sorujussuanngortinneqanngilaq.”
Aamma ammasarfii maluginiarpagut.
“Unnuakkut marlup tungaanut ammasarput! Pissarsiaqaataanaqaaq. Allatorluinnaq misigisaqarfiunarpoq tassanilu allatigut imminnut allaanerusumik ilisimasariilernisamut periarfissiilluni,” oqarpoq Regitze.
Tamarmik imminnut ilassiortarput!
Naak savalimmiormiusut qallunaatullu oqaatsit assigiinngikkaluartut, niviarsissat attaveqatigiinnissaminnut nassaarsimapput. Aammalu ukioqatigiinngikkaluarlutik ataatsimoornissaq sukkasuumik pilersimavoq:
”Oqaloqatigiliinnarpaatigut – pissusissamisuuginnarluni. ” Tamanit tikilluaqqusaanerput misigaarput,” Freja oqarpoq.
Niviarsissat aamma malugaat inuusuttuaqqat qanoq naapittariaasaat allaanerunersoq.
” Tamanut ilassiortarput – ukiui apeqqutaatinnagit. Danmarkimi taamaaliortoqarpallaaneq ajorpoq, kisianni tamanna nuannersumik misigilertitsivoq.
Angalanerup niviarsissanut nutaanik ikinngutitaartorneruunnaanngilaq aamma nutaanik isumassarsiortitsineruvoq. Isumaqarput, namminneq klubbiat Savalimmiormiuniit isumassarsiorfigisinnaagaat.
“Oqaloqatigiissutigaarput nuannissagaluartoq kluberisarput aamma ilaanni sivisunerusumik ammasinnaagaluarpat. Taavalu aaqqissuunneqarnera uagut inuusuttuusugut sunniuteqarfiginerusinnaagutsigu. Taamaasilluni immaqa eqqissisimanerusumik misigititsilersinnaavoq,” oqarpoq Maluka.
Siunnersuut pitsaasoq
Freja, Regitze aamma Maluka Thorshavnimut angalanerat aallaqqikkusulertitsivoq.
“Pissanganarpoq takullugu inuusuttuaqqat allani qanoq klubbertarnersut,” oqarpoq Regitze. “Eqqarsalersitsivoq periutsigut sooq taama periuseqarnersut.”
“Aap, periarfissamik tigusiinnartoqartassaaq,” Freja tapersiivoq. ”Nunanit allaneersunik inuusuttunik naapitsillutit angalanissamut periarfissarsiguit, taava periarfissaq atussavat. Alapernaagit namminiunissannullu ersinak.”
Niviarsiaqqat aamma inersimasunut ersarissumik oqariartuuteqarput:
“Assut pingaaruteqarpoq inuusuttut aallarnissaminnut periarfissinneqartarnissaat,” oqarpoq Maluka. “Ilikkagarpassuit ikinngillat.” Piorsarsimassutsip tungaatiguunnaanngitsoq, kisianni aamma imminut. Nammineernerulernarpoq ammasuunerulernarlunilu.”
Namminneq suli Savalimmiuneersunit inuusuttunik attaveqarput – aammalu Thorshavn-imi eqqaamasat suli qamaniitsippaat.
“Misigisaqarsimavugut puigugassarinngisatsinnik. Taavalu neriuutigaarput, inuusuttut amerlanerusut periarfissaqarnissaat,” oqariartuuteqarput ataatsimoorlutik.
Paasissutissat
Freja, Regitze aamma Maluka Inuusuttuaqqat klubbianiit Vesterkæretimeersut Savalimmiunut Nordjyllandimi Inuusuttut Ataatsimiittaliaani siulersuisutut qaaqqusaapput. Inuusuttunut klubbit tikeraarnerisa saniatigut naalagaaffiup ilaasortai, SSP kommunimilu sinniisut naapippaat.
Del artiklen
